Notendur fyrirtækjareikninga skiptast í stjórnendur og starfsmenn
Stjórnendur geta boðið starfsmönnum að fá aðgang að reikningum, breytt núverandi starfsmönnum í stjórnendur og fjarlægt aðgang starfsmanna. Stjórnendur þurfa ekki að vera raunverulegir stjórnendur í fyrirtækinu, heldur bara þeir sem eiga að stýra fyrirtækjareikningum.
Gott er að hafa fleiri en einn stjórnenda á fyrirtækjareikningi.
Aðgangsstýring
Mikilvægt er fyrir stjórnendur fyrirtækjareiknings að stýra hver hefur aðgang að reikningnum.
Senda boð fyrir aðgang að reikningi
Til þess að bjóða starfsmönnum í fyrirtækjareikninginn þarf að fara í Veskið (Wallet) í Hopp-appinu, velja reikninginn og ýta á "Bjóða" (Add) takkann á heimaskjá reikningisins.
Þetta opnar skjá sem inniheldur hlekk sem sendur er á starfsmenn til að bjóða þeim í fyrirtækjareikninginn.
Android:
Iphone:
Aðferðir til að senda boðshlekkinn
Það er nokkrar leiðir til að senda boðið til að veita aðgang að reikningum.
Hægt er að bjóða einum og einum notanda með því að senda beint á þá í gegnum textaskilaboð eða tölvupóst.
Það er einnig hægt að bjóða mörgum í einu í gegnum mismunandi aðferðir:
Með fjöldatölvupósti til allra þeirra sem eru boðnir að fá aðgang.
Sem skilaboð á innra skilaboðakerfi (Meta Workplace, Slack, Microsoft Teams, o.fl.)
Með því að nota QR-kóða, þar sem hlekkurinn er tengdur við QR kóðann, síðan er QR kóðinn prentaður og þá er hægt að skanna og fá aðgang.
Hvernig á að samþykkja boð
Hvernig starfsmenn samþykkja boð og fá aðgang að fyrirtækjareikningi fer eftir því hvort þeir séu nýjir notendur eða ekki.
Ýttu á hnappinn hér fyrir neðan til að lesa meira um hvernig samþykkja á boð.
Stilla aðgang starfsmanna
Að stýra aðgangi og hlutverkum innan fyrirtækjaaðgangs er einfalt. Athugaðu, að það þarf að vera minnst einn stjórnandi í hverjum aðgangi.
Mælt er með að hafa fleiri en einn stjórnanda til að starfsmenn geti komist öruggleg í samband þegar einn er ekki við.
Eftir að starfsmaður hefur fengið aðgang, hafa stjórnendur möguleikann á því að breyta hlutverki þeirra eða fjarlægt þá úr reikningum.
Greiðslur og stillingar
Stjórnendur geta breytt upplýsingum um reikninginn og breytt korti, ásamt greiðslumáta.
Breyta stillingum
Stillingum er breytt breint í Hopp-appinu. Eina sem þarf að gera er að opna fyrirtækjaaðganginn og ýta svo á hnappinn 'Breyta' (change) uppi til hægri.
Svæðið þar sem hægt er að setja inn upplýsingar á kvittun er fyrir atriði sem birta þarf á nótunni sem send er í lok mánaðar.
Fleiri netföng
Hægt er að bæta við fleiri en einu tölvupóstfangi með því að skilja þau að með semikommu (;).
Breyta greiðslumáta
Ýttu á greiðslumátann til að velja nýtt kort fyrir greiðslur.
Að eyða fyrirtækjareikning er ekki mögulegt í appinu. Hafðu samband við þjónustuver til að óvirkja reikninginn.
Greiðslur
Þegar fyrirtækjaaðgangur er búinn til, er eitt greiðslukort (debet eða kredit) notað sem greiðslumáti fyrir allar ferðir farnar á fyrirtækjareikningum. Þetta þýðir að allar ferðir, af öllum starfsmönnum, eru greiddar með því korti.
Á 26. degi hvers mánaðar er tölvupóstur sendur á netfang fyrirtækisins. Í tölvupóstinum er yfirlit yfir notkun starfsmanna fyrir mánuðinn.
Því fylgja notkunartölur og niðurbrot fyrir hversu mikið hver starfsmaður hefur notað aðganginn í mánuðinum.
Hopp er sérleyfis fyrirtæki, með sjálfstætt starfandi fyrirtæki á hverju svæði. Þetta þýðir að ef starfsmenn nota reikninginn á mörgum svæðum þá munu stjórnendur fá reikninga frá mörgum mismunandi fyrirtækjum í enda hvers mánaðar.
Dæmi: Hoppað er með reikningum í Reykjavík og á Akureyri. Sendir eru tveir reikningar þann 26. hvers mánaðar, einn frá Hopp Reykjavík ehf og annar frá Hopp Akureyri ehf.
Mánaðargreiðslur
Stjórnendur geta sótt um að setja reikninginn í mánaðarlegar greiðslur. Með þessari aðferð greiðast allar ferðir saman og eru rukkaðar einu sinni í mánuði. Reikningar fyrir greiðslunum er sendur út þann 26. hvers mánaðar.
Til að virkja mánaðarlegar greiðslur þurfa stjórnendur að hafa samband
við það Hopp-sérleyfi sem starfrækt er á sínu svæði.