Í appinu eru nokkur mismunandi svæði sem sjást á kortinu. Þessi svæði breyta hegðun farartækja og hafa áhrif á virkni faratækja.
Athugaðu! Ef þú ert staðsett/ur á svæði sem býður upp á fleiri en eina tegund farartækis skaltu velja það farartæki sem þú ætlar að leigja efst í vinstra horninu. Þá sérðu kortið og svæðin sem eiga við um valið farartæki.
Á kortinu geta birst nokkrar mismunandi gerðir svæða. Þessi svæði hafa áhrif á hvar þú getur ekið, lagt, gert hlé á ferðinni eða lokið henni. Eftirfarandi svæði geta birst:
Hægt svæði - Gult / appelsínugult
Hægir á farartækjum að keyra á þessu svæði.
Bannað að leggja - Hvítt
Ekki hægt að enda ferð meðan farartæki er á þessu svæði.
Bannsvæði - Rautt
Bannað að keyra á svæðinu og ekki hægt að enda ferð.
Afsláttarsvæði - Grænt
Þú færð afslátt ef þú lýkur ferðinni innan svæðisins.
Út fyrir þjónustusvæði - Svart/grátt
Að fara út fyrir svæði getur endað ferð sjálfkrafa og í sumum tilfellum gefið sekt.
Eyja sem hægt er að leggja á
Svæði utan þjónustusvæðis sem hægt er að leggja á. Oft í úthverfum.
Svæði sem hægt er að leggja á gegn gjaldi (brotalína)
Lítið skilagjald er innheimt þegar ferð er lokið á svæðinu. Þetta á aðallega við um bíla.
Stæði til að leggja á (Rautt P)
Stæði sem nauðsynlegt er að enda ferð á.
Tilvalið-stæði - Blátt P
Stæði sem tilvalið er að enda ferð á.
Afsláttar- stæði (Hopp Spot) - Blá %
Stæði sem gefur afslátt af ferð.
Hægt er að smella á svæði í appinu til að sjá meiri upplýsingar um það.
Hægt svæði (gult / appelsínugult)
Hæg svæði eru bara fyrir rafskútur. Deilibílar verða ekki fyrir áhrifum.
Gulu svæðin hægja á rafskútum þegar keyrt er innan svæðis. Flest hæg svæði lækka hámarkshraðan niður í 15km/klst, en þau geta stundum farið allt niður í 6km/klst.
Rafskútan nær aftur upp venjulegum hraða þegar hæga svæðið er yfirgefið.
Staðir þar sem finna mætti hæg svæði:
Skólalóðir
Göngugötur
Gangstéttir með mikilli gangandi umferð
Bannað að leggja (Hvítt)
Svæði þar sem er bannað að leggja eru hvít á litinn og finnast innan þjónustusvæðisins.
Hægt er að keyra innan þessara svæða en ekki er hægt að enda ferðina þar.
Ef farartæki í ferð er skilið eftir innan rauðs svæðis þá getur ferðin verið óvirkjuð og notandin fær þá sekt fyrir. Rafskútur sem verða batteríslausar í miðri ferð innan þessara svæða geta líka leitt til sektar fyrir notandann.
Staðir sem mætti finna svæði þar sem er bannað að leggja:
Skólalóðir
Bílakjallarar
Einkalóðir
Gatnamót
Eyja sem hægt er að leggja á
Svæði utan þjónustusvæðis þar sem hægt er að leggja faratæki og ljúka ferð. Slíkar eyjur eru oft staðsettar í úthverfum og gera notendum kleift að ljúka ferð utan aðal-þjónustusvæðisins.
Til að finna eyju skaltu skoða kortið í appinu, þar sem þær sjást betur með því að zoom-a aðeins inn á úthverfin.
Svæði sem hægt er að leggja á gegn gjaldi (brotalínur)
Sum svæði - oftast eyjur í úthverfum - eru afmörkuð með brotalínum. Lítið gjald er innheimt þegar þú lýkur ferðinni innan þessara svæða.
Ef þú ýtir á svæðið á kortinu þá getur þú séð gjaldið fyrir að enda ferð á þessum svæðum.
Bannsvæði (Rautt)
Bannsvæðum verður bætt við í maí 2024 og eru merkt rauð. Svæði þar sem ekki má leggja er núna hvít.
Þegar keyrt er inn á bannsvæði þá hægist á rafskútu niður í 5-8km/klst og bannað er að enda ferðina með appinu og ef farartæki er skilið eftir þá verður notandi sektaður.
Svona svæði má finna á hjá:
Skólalóðum
Kirkjugörðum
Svæðum þar sem umferð almennings er bönnuð
Afsláttarsvæði (Grænt)
Ef ferð er enduð inn á grænu svæði þá fæst afsláttur fyrir ferðina.
Hægt er að sjá afslátt á kvittun í ferðasögunni í appinu.
Út fyrir þjónustusvæði (Blátt)
Hvar má hoppa er afmarkað með stóra blá svæðinu sem rammar inn þjónustusvæðið.
Sum þjónustusvæði bjóða upp á að keyra út fyrir svæði (t.d. Deilibílar), en ef ferð er enduð utan svæðis þá gæti notandi fengið sekt.
Önnur svæði (t.d. Rafskútur í Reykjavík) leyfa að keyra út fyrir svæði en enda ferðina sjálfkrafa eftir smá stund.
Leggjustæði (Rautt P)
Sumar staðsetningar sem Hopp er með starfsemi (Tenerife ofl) eru með leggjustæði. Það er einungis hægt að enda ferð á þessum svæðum.
Tilvalið-stæði (Blátt P)
Tilvalið er að enda ferðir á bláu P-merkjunum.
Afsláttar-stæði / Hopp Spots (Blá %)
Ef þú endar ferðina á bláa prósentumerkinu (Hopp spot) í appinu færðu afslátt af ferðinni þinni. Afslátturinn getur verið mismunandi eftir staðsetningu, en með því að ýta á merkið í appinu geturðu séð nákvæmlega hversu mikill afsláttur er í boði á þeim stað.
